Новости - Фк Пелистер Битола

Познати стартните XI на Пелистер за големото дерби

🔥 𝐒𝐭𝐚𝐫𝐭𝐢𝐧𝐠 𝐗𝐈
Стартна постава:

Јовчевски, Здравковиќ, Ристевски К., Гроздановски Х., Србијанац, Бошковски, Крстевски, Спировски, Ристовски, Булатовиќ, Ивановски (капитен).

Резервни играчи:

Петровски, Ивановски С., Ристевски А., Гроздановски Т., Милојевиќ, Мрмачовски, Петковски, Здравевски, Ангелевски, Петровиќ Ф., Керим

Ивановски повика: Навивачите нашиот дванаесетти играч во дербито

Најголемото македонско дерби за цела Македонија претставува вистински спектакл – натпревар кој сите со нетрпение го очекуваат, како поради случувањата на теренот, така и поради атмосферата на трибините.
Победата во Тетово не ни донесе само три бода, туку и многу повеќе од тоа. Може да се покаже како еден од клучните пресврти во сезоната, за жал во борбата за опстанок. Тоа го напоменав и претходно – дека победа против некоја од првите четири екипи може да ни донесе голем пресврт. Токму тоа се случи пред дербито, против Шкендија, која според мене е најдобрата екипа во Македонија и игра најдобар фудбал.
До навивачите нема што многу да им порачам – тие се нашиот дванаесетти играч. Очекуваме да дојдат во што поголем број и да нè бодрат до последната секунда. Дерби како дерби може да го реши една грешка, може да се постигне гол во последните моменти, како минатата сезона. Затоа ни е потребна поддршка сите 90 минути, а на крајот се надевам дека заедно ќе се радуваме на победата.

Марјан Секуловски: „За мене најголемото дерби е Пелистер – Вардар, очекувам голема поддршка од навивачите“

Како и за сите, така и за мене, најголемото македонско дерби е токму тоа – најголемото македонско дерби. Било и ќе остане: Пелистер – Вардар.
Победата во Тетово ја врати самодовербата кај играчите. Таа е една од добивките, покрај најголемата – трите бода. Се врати вербата дека можат, дека се способни и дека поседуваат доволно квалитет.
На нашите навивачи им порачувам да дојдат во што поголем број и да им пружат максимална поддршка на играчите, во што воопшто не се сомневам. Особено ни е потребна таа поддршка во моментите кога можеби работите нема да одат најдобро. Токму тогаш да ги понесат играчите, да ги вратат на вистинските патеки и на крајот од натпреварот сите заедно да се радуваме на успехот.

24 часа до македонското „Ел Класико“

Одбројуваме до дербито – остануваат точно 24 часа до македонското „Ел Класико“, кое утре (среда) со почеток од 20:00 часот ќе се одигра на стадионот „Петар Милошевски“ во Битола.

Донации, Елена го загуби својот татко. Изгорен дом, болно дете

Чкембари, пелистерци, битолчани – да ја покажеме повторно хуманоста на дело.
На Елена ѝ изгоре куќата, а како тоа да не беше доволно, го загуби и својот татко. Таа остана сама со две деца, од кои едното е болно (дијагноза – менингитис). Во овие тешки моменти, нашата поддршка ѝ е повеќе од потребна.
На сите влезови ќе бидат поставени кутии за донации – да помогнеме заедно и да покажеме дека Битола знае да застане кога е најпотребно.
Фудбалскиот клуб Пелистер ќе донира дел од средствата од продадените карти, додека НГ Чкембари ќе ги донира сите финансиски средства со кои располага.
Да бидеме сплотени. Да помогнеме. 💚

Derby smiles…

Со насмевки, дисциплина и јасна визија, денеска беше одработен последниот тренинг пред големото дерби под водство на шефот на стручниот штаб Марјан Секуловски.

Соопштение до јавноста

Ги известуваме сите посетители дека седиштата на трибините се нумерирани и ве замолуваме да седите исклучиво на седиштето кое е означено на вашата влезница.

Ќе бидат отворени влезовите 4, 5, 6 и 7.

Сите што имаат купено влезници за Блок 3 и Блок 8, да влегуваат преку:
● Влез 4 (за Блок 3)
● Влез 7 (за Блок 8)

Ве очекуваме во што поголем број и ви благодариме за разбирањето.

𝘾𝙤𝙡𝙤𝙧𝙨 𝙤𝙛 𝙩𝙝𝙚 𝘿𝙚𝙧𝙗𝙮

За ФК Пелистер, дербито е повеќе од натпревар – тоа е израз на идентитет. Во фокусот се боите кои го претставуваат клубот и градот Битола – зелено и бело, симбол на традиција, припадност и континуитет.
Низ годините, овие бои биле сведок на бројни дерби моменти, исполнети со емоција, енергија и силна поддршка од трибините.