Младиот фудбалер на Пелистер, Габриел Крстевски, доби повик за настап во младинската репрезентација на Македонија до 20 години.

Согласно известувањето од Фудбалската федерација на Македонија, Крстевски доби повик за У-20 репрезентацијата и ќе биде дел од подготовките и пријателскиот натпревар против Америка, кој ќе се одигра на 8 јуни во 13:00 часот.

Повикот за Крстевски претставува уште едно признание за неговите настапи во дресот на Пелистер и потврда за неговиот потенцијал на репрезентативно ниво.

ФК Пелистер му честита на Габриел за репрезентативниот повик и му посакува успешни подготовки и добри настапи во дресот на Македонија.