Натпреварот започна подобро за „зелено-белите“ кои уште од самиот старт покажаа желба за надигрување и создадоа неколку добри прилики пред голот на домаќините. Пелистер најчесто се закануваше преку нафрлувања и удари од дистанца, а најдобрата можност ја имаше Стефан Спировски кој од непосредна близина не успеа да ја затресе мрежата на Тиквеш.

По почетниот притисок на битолчани, домашната екипа постепено ја презеде иницијативата. Во 29-та минута Тиквеш стигна до водство преку Ацковски кој најдобро се снајде во шеснаесетникот на Пелистер и погоди за 1-0. Само десет минути подоцна домаќините добија пенал, а Сила беше сигурен реализатор за предност од 2-0. До крајот на првиот дел Пелистер се обидуваше да се врати во игра, но резултатот остана непроменет.