28. коло Пелистер – Македонија Ѓорче Петров 18.04.26

Важна победа за Пелистер на домашен терен против екипата на Македонија Ѓорче Петров

„Зелено-белите“ славеа на стадионот „Петар Милошевски“ во Битола со 2-0 против екипата на Македонија Ѓорче Петров од рамките на 28-то коло на Првата македонска фудбалска лига.

Првото полувреме започна со офанзива на „пелистерци“ по голот на гостите. Шансите се креираа од сите страни на шестнаесетникот, но топката никако не ја помина гол-линијата. Најопасната шанса во првото полувреме ја имаше Стефан Спировски во 30-та минута, кога со глава биеше, но противничкиот играч од самата гол-линија ја спаси топката и резултатот остана непроменет. Потоа Керим во одлична шанса под притисок и влечење од грб излезе очи во очи со голманот, но подобар беше Јанков. На спротивната страна во 42-та минута Јовчевски одбрани силен удар од далечина со променет правец, кој практично беше единствената шанса за гостите. Пелистер силен притисок вршеше до крајот на полувремето, но во соблекувалните сите играчи заминаа со резултат 0-0.

Познати стартните XI на Пелистер против Македонија Ѓорче Петров

Стартна постава:

Јовчевски, Здравковиќ, Ристевски К., Гроздановски Х., Србијанац, Ристовски, Крстевски, Спировски, Керим, Булатовиќ, Ивановски (капитен).

Резервни играчи:

Петровски, Ивановски С., Ристевски А., Стојановски Х., Гроздановски Т., Милојевиќ, Мрмачовски, Петковски, Здравевски, Ангелевски, Петровиќ М., Керим

Јовчевски со најава пред важниот дуел​

Утре нè очекува тежок натпревар, многу важен за нас – можеби и најважниот во сезоната. Знаеме со каков противник имаме работа и имаме максимален респект кон екипата од Ѓорче Петров, меѓутоа ние имаме свои зацртани цели. Ги повикувам сите навивачи и целата јавност утре да дојдат, да ни дадат поддршка од трибините и заедно да славиме нова победа.

Пелистер се фокусира на Македонија Ѓорче Петров

Фудбалерите на Пелистер максимално фокусирани и мотивирани ги одработуваат подготовките пред важниот натпревар против Македонија Ѓорче Петров. На тренинзите Марјан Секуловски работи на тактичката и физичката подготвеност на екипата.

Играчите покажуваат голема желба и ангажман, свесни за значењето на овој дуел. Се работи на сите сегменти од играта – од поставеност во одбраната, преку транзиција, па сè до реализацијата во нападот. Тимот е решен да даде максимум на теренот и да дојде до позитивен резултат, кој би значел многу во борбата за сигурен опстанок во првенството.

Поддршката од навивачите секогаш е дополнителен мотив, а фудбалерите ветуваат борбена и пожртвувана игра.

27. Коло Арсими – Пелистер 14.04.26

Пелистер поразен на гости во Гостивар

Битолската екипа не успеа да извлечи ни бод од директниот конкурент за избегнување на баражот. Резултатот во Гостивар од рамките на 27-то коло на Првата македонска фудбалска лига заврши со победа на домашната екипа Арсими од 1-0.

Во првиот дел од натпреварот Пелистер ја имаше топката во своите нозе и преку корнер се закани Кире Ристевски, но топката мина покрај голот. Арсими тактизираше со повлечена игра и во 19-та минута се закани со удар од далечина, но безопасно кон голот на Јовчевски. Избраниците на Секуловски со исто темпо продолжија кон голот на домаќините и Булатовиќ се закани од десна страна преку прекршок (скратен корнер). Набргу потоа во 25-та минута Филип Петровиќ се најде во шестнаесетникот преку изградена акција со повеќе опции за додавање и нафрлање, но се одлучи на удар кој заврши над голот. Арсими ја презеде играта во своите нозе и преку нафрлена топка по земја од левата страна во шестнаесетникот, топката стигна до Дардишта, кој од прва ја погоди мрежата на Јовчевски и домаќините славеа со 1-0 во 43-та минута од натпреварот. Набргу потоа во 45-та минута капитенот Стефан Спировски упати силен удар, но за жал топката ја погоди пречката и натпреварот на полувремето заврши со 1-0.

Гордоста на Битола: „Петар Милошевски“ меѓу најубавите стадиони во регионот

Во изминатите неколку денови сме сведоци на низа позитивни испишани медиумски страници за нашиот стадион Петар Милошевски.

Пријатното изненадување го споделуваат голем број странски познати медиуми, кој го опишуваат стадионот Петар Милошевски како еден од најубавите стадиони во регионот. Низ воодушевување е споменато дека токму на овој стадион имаат играно големи спортски имиња и големи спортски клубови од поранешната Југословенска Фудбалска Лига.

Стадионот ги заслужува убавите пишани статии за што и самите битолчани сведочат за тоа. И секако последниот момент за воодушевување беше пред два дена, кога рефлекторите го осветлија домот на ФК Пелистер на дерби натпреварот, каде што имаше голем број на посетеност како што доликува за еден ваков стадион како што е популарниот Под Тумбе Кафе – Петар Милошевски. Битолчани и Чкембари има за што да бидете горди.

ЗАЕДНО СМЕ ПОСИЛНИ!

☘️ Битолчани, Чкембари, ви благодариме за поддршката, синоќа бевте фантастични и уште еднаш покажавте зошто сте најдобрата навивачка група во Македонија.

🙌 ЗАЕДНО СМЕ ПОСИЛНИ!

26.коло Пелистер – Вардар 08.04.26

Остана без победник македонското „Ел Класико“

Пелистер пред домашната публика одигра жестоко со резултат од 0-0 и не дозволи фаворитот за титулата да победи на гостински терен, во рамките на 26-то коло на Првата македонска фудбалска лига.

Првиот дел од натпреварот се одвиваше на средината на теренот со жестока игра и тврди дуели на двете страни. Првата закана ја имаше гостинската екипа со удар од далечина на Николов, но топката заврши покрај голот. Пелистер смирено и тактизирано ја чекаше својата шанса. Скопјани повторно со закана по голот на Јовчевски во 30-та минута, но ударот беше одбранет.

На почетокот на второто полувреме во 51-та минута, Велковски ја имаше убава шанса, потоа Кастањеда, но извонредниот Јовчевски не дозволи радост на гостите. Потоа во 56-та минута капитенот, Мирко Ивановски постигна гол за Пелистер по проигрување од Стефан Спировски од слободен удар, но помошниот судија го подигна офсајд знамето и голот беше поништен поради недозволена позиција на најистурениот напаѓач. Натпреварот го оправда епитетот дерби, со жестока игра, многу прекршоци, прекини и жолти картони. Вардар притисна до крајот на натпреварот и по пет минути судиско продолжение во 95-та минута, Матиќ шутираше волеј удар, но непробојниот ѕид на Пелистер, Андреј Јовчевски ја зачува својата мрежа чиста.

На натпреварот присуствуваа две навивачки групи, при што мора да се пофали домашната навивачка група Чкембари за прекрасната кореографија, извонредното пиротехничко шоу, фер и коректно бодрење на нивниот миленик Пелистер.

Следен натпревар, на 14 април, екипата на Пелистер гостува во Гостивар против екипата на Арсими од 27-то коло на Првата македонска фудбалска лига.

Познати стартните XI на Пелистер за големото дерби

🔥 𝐒𝐭𝐚𝐫𝐭𝐢𝐧𝐠 𝐗𝐈
Стартна постава:

Јовчевски, Здравковиќ, Ристевски К., Гроздановски Х., Србијанац, Бошковски, Крстевски, Спировски, Ристовски, Булатовиќ, Ивановски (капитен).

Резервни играчи:

Петровски, Ивановски С., Ристевски А., Гроздановски Т., Милојевиќ, Мрмачовски, Петковски, Здравевски, Ангелевски, Петровиќ Ф., Керим

Ивановски повика: Навивачите нашиот дванаесетти играч во дербито

Најголемото македонско дерби за цела Македонија претставува вистински спектакл – натпревар кој сите со нетрпение го очекуваат, како поради случувањата на теренот, така и поради атмосферата на трибините.
Победата во Тетово не ни донесе само три бода, туку и многу повеќе од тоа. Може да се покаже како еден од клучните пресврти во сезоната, за жал во борбата за опстанок. Тоа го напоменав и претходно – дека победа против некоја од првите четири екипи може да ни донесе голем пресврт. Токму тоа се случи пред дербито, против Шкендија, која според мене е најдобрата екипа во Македонија и игра најдобар фудбал.
До навивачите нема што многу да им порачам – тие се нашиот дванаесетти играч. Очекуваме да дојдат во што поголем број и да нè бодрат до последната секунда. Дерби како дерби може да го реши една грешка, може да се постигне гол во последните моменти, како минатата сезона. Затоа ни е потребна поддршка сите 90 минути, а на крајот се надевам дека заедно ќе се радуваме на победата.