Пелистер им се заблагодарува на шестмина фудбалери

Фудбалскиот клуб Пелистер ја информира јавноста дека, по истекот на договорите, завршува соработката со шестмина наши фудбалери.
Зелено-белиот дрес повеќе нема да го носат капитените Мирко Ивановски и Александар Ристевски, како и Андреј Јовчевски, Давид Ангелевски, Филип Бошковски и Вилдан Керим.

Фудбалскиот клуб Пелистер официјално го назначува Борче Христов за нов шеф на стручниот штаб

Со големо задоволство ја информираме јавноста дека со Борче Христов потпишавме договор на две години, со јасно дефинирани цели и амбиции за периодот што следува.

Станува збор за тренер со богато искуство во македонскиот фудбал, но и со значајно меѓународно искуство, кој во својата кариера бил дел од повеќе успешни проекти.
Христов има повеќе ангажмани во минатото, последно го водеше Тиквеш, а претходно работеше во Борец, Работнички, Еуромилк Горно Лисиче, Македонија Ѓорче Петров и Шкендија, додека во меѓународната кариера работеше во Карабах и Зира.

Веруваме дека неговото знаење, карактер и визија ќе бидат клучни во остварувањето на нашите цели.

Нашата определба е јасна – експресно враќање на Пелистер во ПМФЛ.
Стартот на подготовките за новата сезона е закажан за 9 јули, кога ќе биде извршена и првата прозивка, со што официјално ќе започнеме со подготовките за предизвиците кои нè очекуваат.

На Борче Христов му посакуваме многу успех, здравје и заеднички успеси на клупата на Пелистер.

Димитар Митревски е новиот претседател на ФК Пелистер Битола

ФК Пелистер го почнува својот нов проект за сезоната 2026/27 со изборот на новиот претседател. По оставката на раководството на клубот и стручниот штаб, прва задача на акционерот – Општина Битола е изборот на новиот претседател. По заминувањето на Александар Стефановски довербата да го води клубот му е доверена на Димитар Митревски. Единствениот и за нас најдобриот кандидат за претседателското место, на наше задоволство, прифати да го предводи проектот и заеднички да се обидеме да го вратиме клубот во самите височини на македонскиот фудбал.

ТАВ Македонија нов спонзор на младинската школа на ФК Пелистер

Со големо задоволство можеме да соопштиме дека ТАВ Македонија, подружница на ТАВ Аеродроми и членка на АДП групацијата, е нов спонзор на младинската школа на ФК Пелистер.

Новите дресови во ,,Ретро Стил” за сезоната 2026/27

🔥 Ви ја претставуваме новата колекција дресови – ,,Ретро Стил” за сезоната 2026/27, инспирирана од дизајнот на сезоната 1998/99, период кога клубот настапуваше во сличен стил.

🕊 Со посебен детал на задниот дел од вратот — „Птицо моја“, химна што симболизира слобода, верност и борба, како и длабоката поврзаност со Чкембари, Битола и Кенан.

🆕️ Новата колекција ќе биде достапна со отворањето на Фан Шопот, кој е во својата завршна фаза.

⏳️ Наскоро.

Габриел Крстевски доби повик за У-20 репрезентацијата на Македонија

Младиот фудбалер на Пелистер, Габриел Крстевски, доби повик за настап во младинската репрезентација на Македонија до 20 години.

Прес-конференција на ФК Пелистер Битола

Денешната прес-конференција целосно можете да ја гледате на нашиот ЈуТуб канал.

Чкембари, Битолчани, Македонци од цела Македонија, Кавадарци вчера дишеше за Пелистер, ВИ БЛАГОДАРИМЕ.

Чкембари, Битолчани, Македонци од цела Македонија, Кавадарци вчера дишеше за Пелистер, ВИ БЛАГОДАРИМЕ.

ИЗВЕСТУВАЊЕ !!!

ФК Пелистер ја известува јавноста дека, по денешниот пораз и испаѓањето на клубот од Првата македонска фудбалска лига, претседателот на клубот, заедно со целокупната управувачка структура, техничкиот директор и целиот стручен штаб, ќе поднесат оставки до градоначалникот на Општина Битола, преземајќи морална одговорност за остварениот резултат.

Бараж натпревар Пелистер-Шкендија Арачиново 31.05.26

Пелистер не успеа да го зачува прволигашкиот статус и по драматичен бараж натпревар во Кавадарци беше поразен по изведувањето на пенали. По 90 минути игра резултатот беше 1-1, а одлуката падна од белата точка.