Пелистерци одиграа нерешено без голови против екипата на струмичка Брера, на Градскиот стадион во Кавадарци во натпреварот од второто коло на Втората македонска фудбалска лига.

Битолчани повторно беа подобар противник на теренот, ја имаа иницијативата и создадоа повеќе прилики, но повторно недостасуваше реализацијата.

Од самиот почеток Пелистер ја презеде контролата врз играта и постојано ја имаше топката во своите нозе. Битолчани напаѓаа и се обидуваа да дојдат до погодок, но и покрај неколкуте создадени шанси, топката не заврши во мрежата на домашниот состав.

Во текот на натпреварот „зелено-белите“ продолжија со притисокот и беа екипата која повеќе се обидуваше да игра фудбал и да стигне до водство. Брера главно се бранеше и својата шанса ја бараше преку контранапади.