28. коло Пелистер – Македонија Ѓорче Петров 18.04.26

Важна победа за Пелистер на домашен терен против екипата на Македонија Ѓорче Петров

„Зелено-белите“ славеа на стадионот „Петар Милошевски“ во Битола со 2-0 против екипата на Македонија Ѓорче Петров од рамките на 28-то коло на Првата македонска фудбалска лига.

Првото полувреме започна со офанзива на „пелистерци“ по голот на гостите. Шансите се креираа од сите страни на шестнаесетникот, но топката никако не ја помина гол-линијата. Најопасната шанса во првото полувреме ја имаше Стефан Спировски во 30-та минута, кога со глава биеше, но противничкиот играч од самата гол-линија ја спаси топката и резултатот остана непроменет. Потоа Керим во одлична шанса под притисок и влечење од грб излезе очи во очи со голманот, но подобар беше Јанков. На спротивната страна во 42-та минута Јовчевски одбрани силен удар од далечина со променет правец, кој практично беше единствената шанса за гостите. Пелистер силен притисок вршеше до крајот на полувремето, но во соблекувалните сите играчи заминаа со резултат 0-0.

27. Коло Арсими – Пелистер 14.04.26

Пелистер поразен на гости во Гостивар

Битолската екипа не успеа да извлечи ни бод од директниот конкурент за избегнување на баражот. Резултатот во Гостивар од рамките на 27-то коло на Првата македонска фудбалска лига заврши со победа на домашната екипа Арсими од 1-0.

Во првиот дел од натпреварот Пелистер ја имаше топката во своите нозе и преку корнер се закани Кире Ристевски, но топката мина покрај голот. Арсими тактизираше со повлечена игра и во 19-та минута се закани со удар од далечина, но безопасно кон голот на Јовчевски. Избраниците на Секуловски со исто темпо продолжија кон голот на домаќините и Булатовиќ се закани од десна страна преку прекршок (скратен корнер). Набргу потоа во 25-та минута Филип Петровиќ се најде во шестнаесетникот преку изградена акција со повеќе опции за додавање и нафрлање, но се одлучи на удар кој заврши над голот. Арсими ја презеде играта во своите нозе и преку нафрлена топка по земја од левата страна во шестнаесетникот, топката стигна до Дардишта, кој од прва ја погоди мрежата на Јовчевски и домаќините славеа со 1-0 во 43-та минута од натпреварот. Набргу потоа во 45-та минута капитенот Стефан Спировски упати силен удар, но за жал топката ја погоди пречката и натпреварот на полувремето заврши со 1-0.

26.коло Пелистер – Вардар 08.04.26

Остана без победник македонското „Ел Класико“

Пелистер пред домашната публика одигра жестоко со резултат од 0-0 и не дозволи фаворитот за титулата да победи на гостински терен, во рамките на 26-то коло на Првата македонска фудбалска лига.

Првиот дел од натпреварот се одвиваше на средината на теренот со жестока игра и тврди дуели на двете страни. Првата закана ја имаше гостинската екипа со удар од далечина на Николов, но топката заврши покрај голот. Пелистер смирено и тактизирано ја чекаше својата шанса. Скопјани повторно со закана по голот на Јовчевски во 30-та минута, но ударот беше одбранет.

На почетокот на второто полувреме во 51-та минута, Велковски ја имаше убава шанса, потоа Кастањеда, но извонредниот Јовчевски не дозволи радост на гостите. Потоа во 56-та минута капитенот, Мирко Ивановски постигна гол за Пелистер по проигрување од Стефан Спировски од слободен удар, но помошниот судија го подигна офсајд знамето и голот беше поништен поради недозволена позиција на најистурениот напаѓач. Натпреварот го оправда епитетот дерби, со жестока игра, многу прекршоци, прекини и жолти картони. Вардар притисна до крајот на натпреварот и по пет минути судиско продолжение во 95-та минута, Матиќ шутираше волеј удар, но непробојниот ѕид на Пелистер, Андреј Јовчевски ја зачува својата мрежа чиста.

На натпреварот присуствуваа две навивачки групи, при што мора да се пофали домашната навивачка група Чкембари за прекрасната кореографија, извонредното пиротехничко шоу, фер и коректно бодрење на нивниот миленик Пелистер.

Следен натпревар, на 14 април, екипата на Пелистер гостува во Гостивар против екипата на Арсими од 27-то коло на Првата македонска фудбалска лига.

25.коло Шкендија – Пелистер 04.04.26

Пелистер издвојува голема победа вредна за опстанок против фаворитот Шкендија

24.коло Пелистер – Струга Трим Љум 22.03.26

24 коло Дома 22.03.2026 14:30 Стадион „Петар Милошевски“ Битола Фк Пелистер Битола 0 : 2 ( 0 : 1 ) Фк Струга Трим Лум 📸 Фотогалерија и извештај од натпреварот со Струга ТЛ. Пелистер поразен во третиот меѓусебен натпревар од оваа сезона во Првата македонска фудбалска лига против екипата на Струга Трим Лум со резулатат […]

23.коло Силекс – Пелистер 16.03.26

23 коло Гости 16.03.2026 14:30 Градски стадион Кратово Кратово Фк Силекс Кратово 0 : 0 ( 0 : 0 ) Фк Пелистер Битола 🟢 Пелистер во гости ремизираше против екипата на Силекс Кратово. Пелистер во гости ремизираше на третиот меѓусебен натпревар од оваа сезона во Првата македонска фудбалска лига против екипата на Силекс од Кратово […]

22.коло Пелистер – Тиквеш – 08.03.26

22 коло Гости 08.03.2026 14:00 Градски стадион Кавадарци Кавадарци Фк Тиквеш Кавадарци​ 1 : 0 ( 1 : 0 ) Фк Пелистер Битола 📸 Натпреварот со Тиквеш низ фотогалерија и извештај. Пелистер поразен во „братското дерби“ од Тиквеш во Кавадарци, во рамките на 22-то коло на Првата македонска фудбалска лига со минимален резултат од 1 […]

21.коло Пелистер – Силекс 05.03.26

21 коло Дома 05.03.2026 16:00 Стадион „Петар Милошевски“ Битола Фк Пелистер Битола 0 : 0 ( 0 : 0 ) Фк Силекс Кратово 📸 Натпреварот со Силекс низ фотогалерија. „Зелено-белите“ ремизираа и не успеваат да извојуваат победа на домашен терен против екипата Силекс од Кратово, во рамките на 21-то коло на Првата македонска фудбалска лига. […]

20.коло Шкендија – Пелистер 02.03.26

20 коло Гости 02.03.2026 14:00 Градски стадион Тетово Тетово Фк Шкендија Тетово 2 : 1 ( 1 : 1 ) Фк Пелистер Битола 📸 Натпреварот со Шкендија низ фотогалерија и извештај. Надиграни битолчани на гостувањето во Тетово против екипата на Шкендија, во рамките на 20-тото коло на Првата македонска фудбалска лига, со резултат 2-1. Во […]

19.коло Пелистер – Струга Трим Љум 21.02.26

19 коло Дома 21.02.2026 14:00 Стадион „Петар Милошевски“ Битола Фк Пелистер Битола 1 : 1 ( 0 : 1 ) Фк Струга Трим Љум 📸 Фотогалерија и извештај од денешниот натпревар, Пелистер-Струга Т.Л. Битолската екипа одигра одличен натпревар против струшката екипа Струга Трим Лум и постигна важно реми 1-1, во рамките на 19-то коло на […]