Второто полувреме двете екипи тактички се надмудруваа без сериозни закани. Првата закана во второто полувреме по голот на младиот Јовчевски ја имаше Тамба во 60-та минута, но резултатот остана ист. Пелистер повторно дојде до шанса преку Ристовски со удар од далечина, но неуспешно за „зелено-белите“. Шкендија се закануваше преку Тамба двапати по голот на пелистерци, но голманот си ја заврши својата задача. На спротивната страна Булатовиќ со удар во голманот на противничката екипа испушти одлична прилика за водство. Шкендија имаше повеќе шанси и напади на крајот на полувремето, во која една прилика Ибраими испушти голема шанса со удар над голот. Пелистер цврсто се бранеше и ги одбиваше нападите на домаќините, при што искусниот старо-нов шеф на стручниот штаб Марјан Секуловски правилно ја освежи екипата и во една одлична акција нововлезениот Вилдан Керим по додавање на Марјан Ристовски успеа да донесе големи три бода за Пелистер.