Натпреварот можеше да го отвори играчот Стојанов од домашната екипа преку шанса очи во очи со голманот Јовчевски, но топката заврши над голот. Двете екипи играа со голема фокусираност, но повеќето шанси им припаднаа на кавадарчани и токму Стојанов по асистенција на Стојковски, со удар кон голот ја затресе мрежата на Пелистер во 39-та минута од натпреварот. Потоа повторно домашната екипа во налет ја погоди рамката од голот. На крајот од првото полувреме Пелистер се закани преку Булатовиќ кој го погоди блокот, за потоа од корнер Здравковиќ да упати удар со глава.