Пелистер ја оправда фаворитската улога во дербито на првото коло.
Првото полувреме во Струмица, помина во знакот на адаптирање и полека но сигурно преземање на контролата на топката на двете екипи.
Цело полувреме се играше на средина од теренот каде што беше најжестоко.Зелено-белите имаа три шанси за отворање на резултатот, еднаш од слободен удар во раните минути од натпреварот, и уште два удари од аголот на шеснаесетникот, но не успеаа да ја погодат мрежата на голманот на Беласица.
После една добро одиграна акција на нашите фудбалери, односно после еден центаршут од левата страна, противничкиот играч играше со рака во забранетиот простор, по што судијата веднаш досуди пенал во 37 минута за нашиот тим.Капитенот Љамчевски биеше сигурно во долниот десен агол за сигурно водство на Пелистер од 0-1.
Второто полувреме за разлика од првото започна многу поинтензивно и после само 10 минути дојде до прва измена во нашиот тим, на местото на Јошевски влезе младиот Стојановски.
Се играше 67 минута кога после еден корнер од левата страна на Љамчевски, одлично во шеснаесетникот на противникот се снајде Спиркоски, кој со глава биеше во противничката мрежа за 0-2 за Пелистер.
До крајот на натпреварот имаше уште неколку шанси, од кои една стопроцентна шанса за нашиот тим, но безуспешно.Пелистерци мирно и искусно го приведоаа натпреварот кон крајот.
Фудбалскиот клуб Пелистер им благодари на нашата навивачка група ЧКЕМБАРИ, за поддршката која ни ја дадоа во Струмица!
Следен натпревар фудбалерите на Пелистер ги очекува на 19.08.2023 во 17:00Ч, против вториот битолски тим односно екипата на ФК Новаци.