„Зелено-белите“ продолжија со добра игра и во завршницата од натпреварот успеаја да ја потврдат победата. Во 86-та минута Ивановски повторно беше прецизен и зголеми на 2-0, а во судиското продолжение, во 93-та минута, го постигна и третиот погодок за конечни 3-0 и комплетираше хет-трик.

Со оваа победа Пелистер стигна до 18 освоени бода по осум одиграни кола и останува во самиот врв на табелата, со ист број бодови како Работнички, додека лидер е ГФК Охрид со 19 бода.

Посебно се истакна и навивачката група „Чкембари“, која покрај громогласната поддршка за „зелено-белите“, испрати и силна порака на солидарност и сеќавање. Во текот на натпреварот беше изразена поддршка за Кочани, каде трагично згаснаа 61 млад живот, а со посебна парола беше оддадена почит и кон Тоше Проески, кој почина на 16 октомври. Со ова, „Чкембари“ уште еднаш покажаа дека фудбалот е повеќе од игра и дека во најтешките моменти солидарноста, почитта и сеќавањето се најважни.