Во 80-та минута битолчани успеаја да ја затресат мрежата преку Ивановски, но погодокот беше поништен поради офсајд. Пелистер продолжи да бара гол за победа, на самиот крај од натпреварот Ристевски имаше добра можност со удар со глава, но домашниот голман успеа да одбрани.

„Зелено-белите“ во Струмица имаа и поддршка од популарните Чкембари кои допатуваа од Битола и го бодреа својот тим до последниот свиреж. Сепак, и покрај обидите во второто полувреме, Пелистер не успеа да стигне до погодок и го заврши натпреварот со реми.

За Пелистер ова е третото реми во досегашниот дел од сезоната, а битолчани во следното коло ќе имаат нова можност да се вратат на победничките патеки на домашен терен против екипата на Осогово.