0 : 4

( 0 : 1 )

Пелистер доминантен во дуелот на гостински терен против Шкупи

808375520_28903287992644188_5402442692698495121_n

Натпреварот започна со едноминутно молчење во чест на прерано згаснатиот живот на фудбалерот на Тетекс, Даниел Николовски.

Почивај во мир.

Пелистер продолжува со одличните настапи во Втората македонска фудбалска лига. „Зелено-белите“ на гостувањето кај Шкупи во петтото коло славеа со убедливи 0-4 и заслужено ги освоија трите бода.

Од самиот почеток Пелистер ја презеде иницијативата и беше подобар противник на теренот. Битолчани создаваа прилики и постојано се закануваа пред голот на домаќините, а по добрата игра стигнаа и до водство.

Во 33-та минута Симеон Христов повторно се запиша во листата на стрелците и го отвори резултатот, а Пелистер продолжи со нападите и во продолжение од натпреварот.

Во вториот дел „зелено-белите“ продолжија со офанзивната игра и постигнаа уште три погодоци. Прв на листата во 46-та минута беше повторно Христов. Посебно за издвојување беше погодокот на Јорданчо Наумоски во 50-та минута, кој со вистински еврогол ја затресе мрежата на Шкупи и донесе голема радост кај пелистерци. Крајот на високото водство во 73-та минута го постави Кире Стојанов.

Пелистер со оваа победа стигна до 11 бодови по пет одиграни кола и продолжува со одличната форма во Втората македонска фудбалска лига. „Зелено-белите“ покажаа сигурна и ефикасна игра и одлично го завршија гостувањето во Скопје.