Пелистер со убедлива победа од 6-1 против Студеничани обезбеди пласман во осминафиналето на Купот на Македонија. Пелистерци и покрај тоа што настапија во комбиниран состав, одиграа сигурен натпревар и заслужено стигнаа до убедлив триумф.

Пелистер уште од самиот почеток ја презеде иницијативата и со офанзивна игра брзо стигна до предност. Во првото полувреме битолчани постигнаа дури четири погодоци, а во листата на стрелците се запишаа Марко Стојилевски, Петар Љамчевски, Алек Сиваков и Кире Стојанов.