Пелистер одигра нерешено 1-1 против екипата на Камјани во натпреварот од првото коло на Втората македонска фудбалска лига. „Зелено-белите“ во текот на целиот натпревар ја имаа топката во свој посед, напаѓаа и создаваа прилики, но на крајот мораа да се задоволат со еден бод.

Пелистер од самиот почеток ја презеде иницијативата и постојано го притискаше противничкиот гол. Битолчани ја контролираа играта, комбинираа и бараа простор за завршен удар, додека гостите главно се ориентираа кон одбрана и контранапади.

И покрај доминацијата на „зелено-белите“, Камјани успеа да стигне до водство во 31. минута. Пелистер продолжи со истото темпо и по примениот гол, а нападите кон противничкиот гол стануваа сè почести.