Во второто полувреме темпото повторно го диктираа „дебармаалци“, кога го запоседнаа голот на Пелистер. Тоа им успеа во 55-та минута, кога Хоџа излезе очи во очи со Андреј Јовчевски и успеа да го совлада и да ја затресе мрежата за највисоко водство на натпреварот од 3-1. Пелистер тука не застана и си го бараше пленот назад, па така по офанзива кон голот на домаќините стигна до прекрасен волеј удар и гол во 72-та минута преку нововлезениот Петар Петковски и одлична асистенција на Крстевски. Потоа битолчани бараа пенал во 86. минута, но ВАР-собата ја потврди првичната негативна одлука на главниот судија Урошевиќ Александар. Опсадата на Пелистер во самиот крај од натпреварот донесе голема драма и вреден бод. Кога во 92-та минута при одлична асистенција на Стефан Спировски, мрежата ја затресе битолскиот ас и капитен, Мирко Ивановски и ги постави конечните 3-3 на семафорот.