Во првото полувреме Пелистер започна самоуверено и покажа дека е „тврд орев“ за домашната екипа. Стефан Спировски во 7-та минута од натпреварот по изведен корнер ја погоди мрежата, голот се разгледуваше со ВАР-технологија и беше признат од главниот судија Бењами Ќерими. На потег беше Шкендија и го возврати ударот со две закани по голот на битолчани. Во 21-та минута по изведен корнер на домаќините, Шкендија преку Ибраими го израмни резултатот. Шкендија повторно се закани со глава, но топката заврши покрај десниот дирек. Во следниот тек на натпреварот се создаде одлична шанса за Михајло Петровиќ, кој истрча сам кон противничкиот голман, но биеше над голот. На крајот од полувремето Шкендија нападна, но ударот беше непрецизен.