Пелистер во гости ремизираше на третиот меѓусебен натпревар од оваа сезона во Првата македонска фудбалска лига против екипата на Силекс од Кратово со резултат 0 – 0.

Почетокот на натпреварот се одвиваше со побавно темпо, при што Пелистер изгледаше сериозно и со желба за борба и преку Булатовиќ во 25-та минута упати удар по голот на Џеков, но беше подигнато офсајд знамето. Набргу потоа следуваше мал прекин на натпреварот поради повреда при што настрада носот на Христијан Стојановски, младиот бек на Пелистер. Повредата беше санирана од лекарската интервенција и тој го продолжи натпреварот.

На теренот се водеше вистинска битка со жестоки фаули при што судијата Јован Качевски додели два жолти картони. Шанси се создаваа на двете страни, прво кратовчани упатија удар кон голот на Јовчевски, потоа Стефан Спировски имаше добра шанса, но топката мина покрај голот на Силекс. На полувреме двете екипи заминаа во соблекувалните со резулат 0 – 0.