🚌 ЗЕЛЕН КАРАВАН – НОВА ИНИЦИЈАТИВА НА ФК ПЕЛИСТЕР!

Љубовта кон Пелистер се гради од најмали нозе. Затоа сакаме да бидеме поблиску до децата, да се дружиме со нив и да им овозможиме одблизу да го запознаат клубот за кој еден ден можеби ќе настапуваат, ќе ги остваруваат своите соништа и ќе ги бранат зелено-белите бои.

Со „Зелен Караван“, ФК Пелистер тргнува во посета на основните училишта во Битола и околните населени места, со цел да им го приближи клубот на најмладите генерации и да ги мотивира да веруваат во себе, да спортуваат и да ги следат своите соништа.

Дружење и запознавање со фудбалерите на ФК Пелистер, како дополнителна мотивација за секое дете

Билети за натпреварите на Пелистер

Организиран превоз до стадионот и назад

Посета на просториите на стадионот „Петар Милошевски“

Од градот до руралните средини, сакаме секое дете да добие можност да биде дел од нашето зелено-бело семејство и одблизу да го почувствува духот на Пелистер.