Пелистер гостува во Струмица, тимот на Бабунски спремен за следниот предизвик
По победата против Борец Велес со 4-0 минатата сабота во Битола, екипата на Пелистер цела недела се подготвува за гостувањето во Струмица против домашната Беласица, во рамките од 25. коло на Втората лига. Овие два тима одиграле многу меѓусебни дуели во историјата, но во последните 5 меѓусебни дуели Битолчани имаат 4 победи.Последниот дуел помеѓу овие два тима беше одигран на 29.10.2022 година во Битола каде нашиот тим победи со 1-0.
Бабунски го има целиот ростер на располагање и битолчани се надеваат на продолжување на победничката серија.
Главен судија: Младеновски Марјан (Скопје)
Асистенти: Ицковски Филип (Скопје) , Димитријевиќ Дејан (Скопје)
Четврти судија: Божиновски Христијан (Скопје)
Делегат: Бабачиќ Хајро (Скопје)
Контролор: Костенчев Ванчо (Скопје)
Треба да се напомене дека фудбалскиот клуб Пелистер на овој натпревар ќе ја има и големата поддршка од најверните навивачи “Чкембари”.