Тенденцијата најдобрите млади фудбалери од нашата школа да бидат приклучени кон сениорскиот тим продолжува. Така и ова лето тројца најталентирани фудбалери од младинскиот тим се прекомендувани во сениорската екипа на Димитар Капинковски.
Кон првиот тим се приклучени најталентираните од младинската генерација. Јован Мрмарчевски, Андреј Мурговски и Ерџан Фејзуловски веќе неколку дена тренираат со сениорскиот тим, што е награда за нивниот прогрес во претходните сезони.
Во претходната година нашиот дрес го носеа голем број фудбалери кои се продукт на нашата школа. Горди сме на прогресот на Јовчевски, Димовски, Силјановски, Крстевски, Стефан Ивановски, Стојановски, Ангеловски…
Новата сезона во Првата фудбалска лига почнува во втората недела од август.