Во викендот што следи, ќе се одигра 17.то коло од ВМФЛ, во кое нашиот Пелистер технички му гостува на вториот битолски клуб во втората лига, односно на тимот на ФК Новаци.Битолското дерби ќе се одигра на стадионот Петар Милошевски во Битола, во сабота на 24.02.2024 во 14:00 часот.
Тренерот Костов ќе ги има сите играчи на располагање, освен Костов кој нема да настапи поради 5 жолти картони и повредените Размоски и Пановски.
По победата против ФК Беласица од 3-0, предходната сабота во Битола, пелистерци цела недела се подготвуваат за гостувањето во Новаци во рамките од 17-то коло од ВМФЛ.Овој натпревар е само втор официјален меѓусебен натпревар, откако во првиот дуел во Битола, Пелистер победи на домашен терен со 4-0.
Пелистер не планира тука да застане, туку оди само на победа и продолжување на победничката серија која трае веќе 5 кола.