Фудбалерите на Пелистер ја извојуваа втората победа во шампионатот на Македонија, откако како домаќини во Кавадаци го совладаа тимот на Шкупи со 2-0 (0-0). Иако играа без казнетиот Здравковиќ, битолчани покажаа конзистентност во текот на сите деведесет минути и заслужено се радуваат на бодовите.
Чаирчани регистрираа уште неколку фудбалери, надминувајќи го огромните проблеми со кои се соочуваат на стартот од новата сезона. Долго се играше со испитување на силите и без зрели закани. Топката повеќе ја имаа битолчани, но тешко креираа зрели шанси. Отпорот на гостинскиот тим го скрши Ристиќ на почетокот од второто полувреме, а точка на триумфот стави Булатовиќ, за втора победа во низа на „пелистерци“.
Со оваа победа Пелистер скокна на петтото место со шест бода, а Шкупи е закован на дното без бодови и само со еден постигнат гол.Во следното четврто коло Пелистер в недела гостува во Ѓорче Петров, а Шкупи ќе го отвори колото со натпревар в петок против Вардар.
