Утре, ќе се одигра 32.коло на Првата македонска фудбалска лига, каде нашиот Пелистер ќе му гостува на ФК Силекс во Кратово.Натпреварот ќе се одигра на градскиот стадион во Кратово, со почеток од 17:00 часот.
Момците на Захариевски, во предходните денови максимално се припремаа за овој натпревар и иако опстанокот е веќе обезбеден, Пелистер оди само на победа и нови 3 бодови.Шефот на стручниот штаб на Пелистер на располагање ќе ги има сите играчи и тоа ќе биде дополнителен мотив да зелено-белите стигнат до позитивен резултат.
Оваа сезона овие два тима ќе се сретнат по 3 пат, а во предходните два натпревари секој забележа по една победа, односно Пелистер го победи Силекс на домашен терен со голот на капитенот Мирко Ивановски, а додека пак на гостински терен Пелистер забежа пораз од 1-0.
Овој натпревар ќе го суди Ристевски Доне од Гевгелија, а негови помошници ќе бидат Тоше Ицев и Трпчевски Драган од Кавадарци, додека за четврт судија е делегиран Стојанче Стојанов од Штип.