Екипата на ФК Пелистер не успеа да дојде до посакуваните три бода, на гостувањето во Виница, против екипата на ФК Слога.Мечот започна убаво со притисок на нашата екипа кон противничкиот гол, за во 23 минута од првото полувреме Борче Маневски да го отвори резултатот за 0-1.
Пелистер и покрај тоа што постигна гол, не застана тука, пробуваше константно да го загрози голот на домаќините, но сите напади беа јалови.
Кон крајот на вториот дел, играчите на Пелистер како да се опуштија, со цел да го затворат натпреварот со конечни 0-1, но домаќините го изненадија Пелистер со гол во 84 минута.За жал пелистерци не успеа во својата замисла да ги освојат сите 3 бода од овој натпревар, и се враќаат само со бод од Виница.
Следниот натпревар екипата на Пелистер го игра на домашен терен против екипата на ФК Борец од Велес .Натпреварот се игра на 15.04.2023 на стадионот “Петар Милошевски” – Битола.
ФК Пелистер ги повикува сите љубители на фудбалот, и секако најверните Чкембари да дојдат, и да не поддржат да дојдеме до посакуваната цел, а тоа е ПМФЛ.