Денес се одигра долго очекуваното 13.коло во ПМФЛ, денес се одигра спектаклот во Битола, денес се одигра ДЕРБИТО НА МАКЕДОНИЈА!
Тоа што долго се најавуваше, денеска се оствари, Битола и Пелистер дочекаа првенствен натпревар во вечерен термин на стадионот Петар Милошевски, и тоа целосно распродаден стадион, уште 3 дена пред натпревар.Пелистер го дочека вечниот ривал Вардар, а со самото тоа запиша и голема победа во ова дерби.
Стадионот прими и гостински навивачи, па во Битола присуствуваа преку 7,500 илјади гледачи што во македонскиот фудбал многу ретко го има.Двата тима излегоа на терен да се надигруваат и подобриот да победи.Првото полувреме се играше тврд натпревар без многу калкулации, единствена цел беше да се сочува соопствениот гол, а два пати Мирко Ивановски биеше во рамките на голот, но сето тоа беше млако и недоволно за гол.На пауза се замина со 0-0, но битолчани и Чкембари имаа големи очекувања од битолските фудбалери.
Второто полувреме, противникот имаше свои минути и се закануваше кон голот на Јовчевски, но репрезентативниот голман беше на висина на задачата и не дозволи изненадување.Пелистер стрпливо ја чекаше својата шанса, а таа ја доби во последната минута од судиското продолжение, баш тогаш кога е најслатко, т.е после еден центар шут на Љамчевски во шеснаесетникот на Вардар, топката ја прифати Георгиев и со својот прв допир ја продолжи до капитенот Ивановски, а овој немилосрдно биеше во мрежата на Вардар за 1-0 и лудило на стадионот во Битола!
Пелистер ја заслужи оваа победа, а посебна вредност имаа оваа победа кога се прославува пред полн стадион и пред свои навивачи!
Со овие 3 бода, Пелистер скокна на 7 позиција на табелата во ПМФЛ со 16 бодови, а следен натпревар е во Сабота на 09.11.2024 против кратовски Силекс.
