Фудбалерите на Пелистер издвојуваа значајна победа во дуелот против екипата на Детонит со резултат 2-0 .Нашите фудбалери започнаа интензивно, Томе Китановски и Бојан Спиркоски уште на почетокот на натпреварот имаа сериозни шанси да го отворат резултатот, но до тоа не дојде.Констатното напаѓање кон голот на Детонит донесе една пречка, и една статива во рок од 10 минути, но до гол не дојде во првото полувреме.
Второто полувреме пелистерци го започнаа уште поинтензивно, се играше главно на гостинската половина, промашени беа неколку шанси, за во 57 минута Петар Љамчевски да го отвори резултат до убав гол за 1:0, а малку подоцна во 79 минута Љавдрим Фазлију со убава пласирана топка во долниот десен агол го зголеми водството за конечни 2:0 за Пелистер и заверување на победата.
Следниот натпревар ФК Пелистер го игра во гости кај ФК Слога на 8 Април во 15часот.