ФК Пелистер и фудбалерот Вилдан Керим постигнаа согласност за продолжување на соработката за уште една сезона. Клубот покажа задоволство од претходните две сезони на искусниот фудбалер и на обострано задоволство соработката ќе продолжи.
30-годишниот Керим минатата сезона одигра 27 натпревари, постигна два гола и запиша три асистенции.
Во својата кариера Керим настапуваше во повеќе клубови, покрај Детонит, беше дел и од Гостивар, Вардар, Скопје, Борец, косовските Дукаѓини и Дреница, а имаше настапи и во Турција.